Retired Government Employees : राज्य शासनाने निवृत्त तसेच स्वेच्छा निवृत्त होणाऱ्या अधिकारी व कर्मचाऱ्यांच्या संदर्भात एक महत्त्वाचा शासन निर्णय निर्गमित केला आहे. या निर्णयानुसार, शासन सेवेत दिलेल्या योगदानाबद्दल कर्मचाऱ्यांना निवृत्तीच्या वेळी स्मृतीचिन्ह देऊन सन्मानित करण्यात येणार आहे.
काय आहे शासनाचा निर्णय? Retired Government Employees
शासन सेवेत दीर्घकाळ कार्य करून निवृत्त किंवा स्वेच्छा निवृत्त होणाऱ्या अधिकारी व कर्मचाऱ्यांना त्यांच्या सेवेच्या आठवणी म्हणून स्मृतीचिन्ह देण्याचा प्रस्ताव शासनाच्या विचाराधीन होता. त्यास आता अधिकृत मान्यता देण्यात आली आहे.
कोण देणार स्मृतीचिन्ह?
हा निर्णय नियोजन विभागामार्फत अंमलात आणण्यात येणार आहे. दरवर्षी नियोजन विभागातून निवृत्त किंवा स्वेच्छा निवृत्त होणाऱ्या अधिकारी व कर्मचाऱ्यांना त्यांच्या सेवेच्या योगदानाबद्दल स्मृतीचिन्ह प्रदान केले जाणार आहे.
खर्चाबाबत काय ठरलं?
स्मृतीचिन्ह खरेदीसाठी होणारा खर्च हा वित्त विभागाच्या शासन निर्णय दिनांक 17 एप्रिल 2015 नुसार मंजूर असलेल्या तरतुदींमधून करण्यात येणार आहे. विभागाच्या आवश्यकतेनुसार दरवर्षी स्मृतीचिन्ह खरेदीस मान्यता देण्यात येईल.
कर्मचाऱ्यांसाठी दिलासादायक निर्णय
या निर्णयामुळे नियोजन विभागातून निवृत्त होणाऱ्या कर्मचाऱ्यांना निवृत्तीनंतर स्मृतीचिन्ह देऊन सन्मान करण्यात येणार असून, कर्मचाऱ्यांच्या सेवेबद्दल शासनाने कृतज्ञता व्यक्त केल्याचे मानले जात आहे.
शासन निर्णयाची माहिती. Retired Government Employees
- शासन निर्णय दिनांक : 03 फेब्रुवारी 2026
- लागू विभाग : नियोजन विभाग
- लाभार्थी : निवृत्त व स्वेच्छा निवृत्त अधिकारी / कर्मचारी
हा निर्णय कर्मचाऱ्यांच्या मनोबल वाढीसाठी महत्त्वाचा ठरणार असून, शासन सेवेत दिलेल्या योगदानाचा सन्मान करणारा निर्णय म्हणून पाहिला जात आहे.
Retired Government Employees