राज्य कर्मचाऱ्यांसाठी मोठी खुशखबर ! आता ‘या’ आरोग्य योजनेचा मिळणार ५ लाखांपर्यंत लाभ, शासन निर्णय जारी. Mahatma Jyotirao Phule Jan Arogya

मुंबई :  Mahatma Jyotirao Phule Jan Arogya : राज्यातील सरकारी आणि निमसरकारी कर्मचारी तसेच त्यांच्या कुटुंबीयांसाठी अत्यंत महत्त्वाची आणि दिलासादायक बातमी समोर आली आहे. सार्वजनिक आरोग्य विभागामार्फत दिनांक २८ जुलै २०२५ रोजी महत्त्वपूर्ण शासन निर्णय (GR) निर्गमित करण्यात आला असून, महात्मा ज्योतिराव फुले जन आरोग्य योजना आणि आयुष्यमान भारत – प्रधानमंत्री जन आरोग्य योजना या एकत्रित योजनेचे विस्तारीकरण करण्यात आले आहे.

या निर्णयामुळे आता राज्यातील सरकारी / निमसरकारी कर्मचाऱ्यांनाही या योजनांचा लाभ मिळणार असून, आरोग्य संरक्षणाची मर्यादा मोठ्या प्रमाणात वाढविण्यात आली आहे.

आता मिळणार ५ लाखांपर्यंत आरोग्य संरक्षण

शासन निर्णयानुसार, आयुष्यमान भारत – प्रधानमंत्री जन आरोग्य योजनेअंतर्गत प्रति कुटुंब प्रति वर्ष ५ लाख रुपयांपर्यंत आरोग्य संरक्षण दिले जाते. यापूर्वी महात्मा ज्योतिराव फुले जन आरोग्य योजनेत ही मर्यादा १.५ लाख रुपये होती. मात्र आता या योजनेअंतर्गत देखील आरोग्य संरक्षणाची मर्यादा वाढवून प्रति कुटुंब प्रति वर्ष ५ लाख रुपये करण्यात आली आहे.

यामुळे गंभीर आजारांवरील उपचारांसाठी राज्यातील लाखो कुटुंबांना मोठा आर्थिक दिलासा मिळणार आहे.

सरकारी कर्मचाऱ्यांचाही समावेश. Mahatma Jyotirao Phule Jan Arogya

या विस्तारित योजनेच्या लाभार्थी घटकांमध्ये पिवळी, अन्नपूर्णा योजना आणि केशरी शिधापत्रिका धारक कुटुंबांसोबतच शुभ्र शिधापत्रिका धारक कुटुंबांचाही समावेश करण्यात आला आहे. विशेष म्हणजे, सरकारी आणि निमसरकारी कर्मचारी देखील या लाभासाठी पात्र ठरणार आहेत.

तसेच ज्या कुटुंबांकडे कोणत्याही प्रकारची शिधापत्रिका उपलब्ध नाही, अशांनाही या योजनेचा लाभ मिळणार असल्याचे शासन निर्णयात स्पष्ट करण्यात आले आहे.

आवश्यक कागदपत्रे कोणती?

शासन निर्णयानुसार, शुभ्र शिधापत्रिका नसल्यास अथवा कोणतीही शिधापत्रिका उपलब्ध नसल्यास अधिवास दाखला किंवा तहसीलदार प्रमाणपत्र आणि फोटो ओळखपत्र सादर करावे लागणार आहे.

तसेच सरकारी / निमसरकारी कर्मचाऱ्यांकडून कोणत्याही इतर सरकारी आरोग्य योजनेचा लाभ घेतलेला नाही, याबाबतचे स्व-घोषणापत्र घेण्याचे निर्देश देखील देण्यात आले आहेत. यामुळे लाभाची द्विरुक्ती टाळण्याचा शासनाचा प्रयत्न असल्याचे स्पष्ट होत आहे.

लाखो कर्मचाऱ्यांना मोठा दिलासा

राज्यातील वाढते वैद्यकीय खर्च, महागडे उपचार आणि खासगी रुग्णालयांमधील खर्च लक्षात घेता सरकारचा हा निर्णय अत्यंत महत्त्वाचा मानला जात आहे. या निर्णयामुळे लाखो सरकारी कर्मचारी, निमसरकारी कर्मचारी आणि त्यांच्या कुटुंबीयांना आर्थिक संरक्षण मिळणार असून आरोग्य उपचारांचा मोठा आधार उपलब्ध होणार आहे. Mahatma Jyotirao Phule Jan Arogya