पेंशन धारकांसाठी पेंशन बाबत मोठा दिलासा, आता अचानक पेंशन थांबणार नाही. Life Certificate New Rule

पेंशन धारकांसाठी पेंशन बाबत मोठा दिलासा, आता अचानक पेंशन थांबणार नाही. Life Certificate New Rule

Life Certificate New Rule : देशातील लाखो ज्येष्ठ नागरिक आणि पेन्शनधारकांसाठी मोठी दिलासादायक बातमी समोर आली आहे. आता जीवन प्रमाणपत्रासाठी बँक किंवा कार्यालयात फेऱ्या मारण्याची गरज राहणार नाही. फक्त एका फोन कॉलवर पोस्टमन थेट घरी येऊन डिजिटल जीवन प्रमाणपत्र तयार करून देणार आहे.

केंद्र सरकारकडून पेन्शनधारकांसाठी जीवन प्रमाणपत्र (Life Certificate) प्रक्रिया अधिक सुलभ करण्यात आली आहे. कर्मचारी भविष्य निर्वाह निधी संघटना म्हणजेच EPFO ने इंडिया पोस्ट पेमेंट्स बँकेसोबत (IPPB) भागीदारी करून घरपोच डिजिटल जीवन प्रमाणपत्र (Digital Life Certificate – DLC) सेवा सुरू केली आहे. या सुविधेमुळे वृद्ध, दिव्यांग तसेच आजारी पेन्शनधारकांना मोठा दिलासा मिळणार आहे. Life Certificate New Rule

दरवर्षी ‘जिवंत असल्याचा दाखला’ देणे आवश्यक

पेन्शन सुरू ठेवण्यासाठी प्रत्येक निवृत्तीवेतनधारकाला दरवर्षी जीवन प्रमाणपत्र सादर करणे बंधनकारक असते. यालाच “जिवंत असल्याचा दाखला” असे म्हटले जाते. आतापर्यंत हे प्रमाणपत्र सादर करण्यासाठी बँक, पोस्ट ऑफिस किंवा EPFO कार्यालयात प्रत्यक्ष जावे लागत होते.

विशेषतः ज्येष्ठ नागरिक, दिव्यांग व्यक्ती आणि मृत कर्मचाऱ्यांच्या कुटुंबीयांना या प्रक्रियेमुळे मोठा त्रास सहन करावा लागत होता. अनेकदा रांगा, प्रवास आणि कागदपत्रांची अडचण यामुळे पेन्शनधारकांना मोठ्या समस्यांना सामोरे जावे लागत असे.

आता घरबसल्या होणार डिजिटल पडताळणी. Life Certificate New Rule

नवीन डिजिटल जीवन प्रमाणपत्र प्रणालीमुळे आता मोबाईल ॲप किंवा घरपोच सेवेद्वारे जीवन प्रमाणपत्राची पडताळणी करता येणार आहे. यामुळे दरवर्षी कार्यालयात जाण्याची गरज पूर्णपणे संपणार आहे.

अनेक ज्येष्ठ नागरिकांकडे स्मार्टफोन नसणे किंवा डिजिटल तंत्रज्ञानाची मर्यादित माहिती असणे लक्षात घेऊन EPFO आणि इंडिया पोस्टने ही विशेष घरपोच सेवा सुरू केली आहे. या सेवेमध्ये प्रशिक्षित पोस्टमन किंवा ग्रामीण डाक सेवक थेट पेन्शनधारकांच्या घरी भेट देतील.

पोस्टमन घरी येऊन पूर्ण करणार प्रक्रिया

घरपोच सेवेद्वारे पोस्टमन किंवा ग्रामीण टपाल कर्मचारी चेहरा ओळख तंत्रज्ञान (Face Authentication) किंवा बायोमेट्रिक पडताळणीच्या माध्यमातून डिजिटल जीवन प्रमाणपत्र तयार करतील. विशेष म्हणजे या संपूर्ण प्रक्रियेचा खर्च EPFO कडून उचलला जाणार आहे. त्यामुळे पेन्शनधारकांना कोणतेही अतिरिक्त शुल्क भरावे लागणार नाही.

या सुविधेमुळे वृद्ध व्यक्तींना उन्हात, पावसात किंवा लांबच्या कार्यालयात जाण्याचा त्रास वाचणार असून पेन्शन प्रक्रिया अधिक सोपी आणि सुरक्षित होणार आहे.

या नंबरवर करा संपर्क

या घरपोच डिजिटल जीवन प्रमाणपत्र सेवेचा लाभ घेण्यासाठी पेन्शनधारक इंडिया पोस्ट पेमेंट्स बँकेच्या ग्राहक सेवा क्रमांकावर संपर्क साधू शकतात.

पोस्ट ग्राहक सेवा क्रमांक :

• 033-22029000

कॉल करण्याची वेळ :

• सकाळी 9 ते सायंकाळी 5

फोन केल्यानंतर संबंधित पोस्टमन किंवा ग्रामीण डाक सेवक पेन्शनधारकाच्या घरी भेट देऊन आवश्यक कागदपत्रांची पडताळणी करतील आणि डिजिटल जीवन प्रमाणपत्र तयार करून देतील.

या नव्या सुविधेमुळे देशातील लाखो पेन्शनधारकांना मोठा दिलासा मिळणार असून “घरबसल्या जीवन प्रमाणपत्र” ही योजना ज्येष्ठ नागरिकांसाठी अत्यंत उपयुक्त ठरणार आहे.