मुंबई : Maharashtra Govt Recruitment Rules : यांच्या अध्यक्षतेखाली झालेल्या महाराष्ट्र राज्य मंत्रिमंडळ बैठकीत सरकारी नोकरभरती संदर्भात एक महत्त्वपूर्ण आणि दूरगामी परिणाम करणारा निर्णय घेण्यात आला आहे. नव्या निर्णयानुसार, राखीव प्रवर्गातील ज्या उमेदवारांनी वयोमर्यादा, परीक्षा शुल्क किंवा इतर सवलतींचा लाभ घेतला आहे, त्यांना आता खुल्या प्रवर्गातील (Open Category) जागांवर दावा करता येणार नाही.
सरकारच्या या निर्णयामुळे राज्यातील एमपीएससी, शिक्षक भरती, पोलीस भरती तसेच सर्व सरळसेवा भरती प्रक्रियांमध्ये मोठा बदल होणार आहे.
नेमका निर्णय काय? Maharashtra Govt Recruitment Rules
आतापर्यंत राखीव प्रवर्गातील उमेदवारांनी गुणवत्ता यादीत चांगले गुण मिळवल्यास त्यांची निवड खुल्या प्रवर्गातील जागांवर केली जात होती. मात्र, नवीन नियमानुसार जर उमेदवाराने अर्ज भरताना राखीव प्रवर्गासाठी दिल्या जाणाऱ्या सवलतींचा लाभ घेतला असेल, तर त्याला केवळ त्याच्या राखीव कोट्यातूनच नियुक्ती मिळेल.
म्हणजेच, उमेदवाराचे गुण खुल्या प्रवर्गाच्या कट-ऑफपेक्षा अधिक असले तरी त्याला ‘ओपन’ जागेवर निवड मिळणार नाही. हा निर्णय सर्व प्रमुख सरकारी भरती प्रक्रियांना लागू करण्यात येणार असल्याचे स्पष्ट करण्यात आले आहे.
खुल्या प्रवर्गातील उमेदवारांना दिलासा
मंत्रिमंडळातील चर्चेनंतर सरकारने स्पष्ट केले की, या निर्णयामुळे खुल्या प्रवर्गातून स्पर्धा करणाऱ्या उमेदवारांना अधिक न्याय मिळेल. आरक्षणाच्या सवलती घेतल्यानंतर पुन्हा खुल्या प्रवर्गातील जागांवर दावा करणे तांत्रिकदृष्ट्या विसंगत असल्याचे सरकारचे मत आहे.
तसेच, विविध न्यायालयीन निकालांचा आधार घेऊन भरती प्रक्रियेत अधिक स्पष्टता आणि सुसूत्रता आणण्यासाठी हा निर्णय घेण्यात आल्याचे सांगितले जात आहे. यामुळे भरती प्रक्रियेतील पारदर्शकता वाढण्यास मदत होईल, असा दावा सरकारकडून करण्यात आला आहे. Maharashtra Govt Recruitment Rules
कोणत्या उमेदवारांवर होणार सर्वाधिक परिणाम?
या निर्णयाचा सर्वाधिक परिणाम SC, ST, OBC आणि SEBC प्रवर्गातील उमेदवारांवर होण्याची शक्यता आहे. विशेषतः ज्या उमेदवारांनी वाढीव वयोमर्यादेच्या आधारे परीक्षा दिली आहे, त्यांना आता खुल्या प्रवर्गातील जागांवर दावा करता येणार नाही.
त्यामुळे खुल्या प्रवर्गातील जागा आता केवळ कोणतीही सवलत न घेतलेल्या उमेदवारांसाठी उपलब्ध राहतील. यामुळे ओपन कॅटेगरीतील स्पर्धा काही प्रमाणात कमी होऊ शकते, असेही मानले जात आहे.
विद्यार्थी वर्गात संमिश्र प्रतिक्रिया
सरकारच्या या निर्णयानंतर स्पर्धा परीक्षा देणाऱ्या विद्यार्थ्यांमध्ये संमिश्र प्रतिक्रिया उमटण्याची शक्यता आहे. राखीव प्रवर्गातील गुणवंत उमेदवारांचे म्हणणे आहे की, केवळ वयोमर्यादेची सवलत घेतल्यामुळे खुल्या प्रवर्गातील संधी नाकारणे अन्यायकारक ठरू शकते. Maharashtra Govt Recruitment Rules
तर दुसरीकडे, खुल्या प्रवर्गातील विद्यार्थ्यांकडून या निर्णयाचे स्वागत केले जात असून, यामुळे समान स्पर्धेला प्रोत्साहन मिळेल असे मत व्यक्त केले जात आहे.