पुणे : Pune Mhada News : नमस्कार मित्रानो पुण्यात स्वतःचं घर असावं, असं स्वप्न पाहणाऱ्या नागरिकांसाठी एक मोठी दिलासादायक बातमी समोर आली आहे.
पुणे गृहनिर्माण व क्षेत्रविकास मंडळाकडून (MHADA) तब्बल सव्वाचार हजार घरांची लॉटरी जाहीर करण्यात आली असून, या सोडतीचा निकाल येत्या चार ते पाच दिवसांत जाहीर होण्याची शक्यता आहे.
सध्या या लॉटरीसाठी प्राप्त झालेल्या अर्जांची सखोल पडताळणी सुरू असून, यामुळे सोडत काढण्यास थोडा विलंब होत असल्याची माहिती म्हाडाचे अध्यक्ष शिवाजीराव आढळराव पाटील यांनी दिली आहे. अर्जांची संख्या अपेक्षेपेक्षा मोठी असल्याने तांत्रिक व प्रशासकीय प्रक्रिया पूर्ण करण्यासाठी अतिरिक्त वेळ लागत असल्याचेही त्यांनी स्पष्ट केले.
२ लाखांहून अधिक अर्ज, नागरिकांचा मोठा प्रतिसाद
या गृहनिर्माण लॉटरीसाठी नागरिकांकडून प्रचंड प्रतिसाद मिळाला असून, एकूण २ लाख १५ हजार ८४७ अर्ज प्राप्त झाले आहेत. एवढ्या मोठ्या संख्येतील अर्जांची तपासणी सुरू असल्यामुळे सोडतीची तारीख काहीशी पुढे ढकलण्यात आली आहे.
आचारसंहितेचा अडथळा, पण परवानगी घेऊन सोडत. Pune Mhada News
दरम्यान, पुढील आठवड्यात जिल्हा परिषद व महापालिका निवडणुकांसाठी आचारसंहिता लागू होण्याची शक्यता आहे. त्यामुळे सोडतीच्या प्रक्रियेत अडथळा निर्माण होऊ शकतो. मात्र, ही सोडत नागरिकांच्या हिताची असल्याने आणि विशेष स्वरूपाची असल्यामुळे राज्य निवडणूक आयोगाची परवानगी घेऊनच सोडत जाहीर केली जाईल, असे आढळराव पाटील यांनी सांगितले.
उपमुख्यमंत्र्यांची उपस्थिती. Pune Mhada News
या महत्त्वाच्या गृहनिर्माण सोडतीसाठी राज्यातील दोन्ही उपमुख्यमंत्री उपस्थित राहणार असल्याचेही त्यांनी स्पष्ट केले आहे. त्यामुळे या सोडतीला विशेष महत्त्व प्राप्त झाले आहे.
या लॉटरीसाठी अर्ज व अनामत रक्कम स्वीकारण्याची प्रक्रिया ११ सप्टेंबरपासून सुरू झाली होती. सुरुवातीला अर्ज करण्याची अंतिम तारीख ३१ ऑक्टोबर ठेवण्यात आली होती. मात्र, नागरिकांना कागदपत्रांच्या पूर्ततेसाठी अडचणी येत असल्याने अर्जासाठी दोन वेळा मुदतवाढ देण्यात आली. अखेरीस अर्ज स्वीकारण्याची अंतिम तारीख ३० नोव्हेंबर निश्चित करण्यात आली.
प्रत्येक अर्जासाठी ७०८ रुपये अर्ज शुल्क आणि २० हजार रुपये अनामत रक्कम ठेवण्यात आली होती. त्यानुसार अर्जदारांकडून एकूण ४४६ कोटी ९७ लाख ५९ हजार ६७६ रुपये इतकी मोठी रक्कम म्हाडाकडे जमा झाली आहे.
लवकरच सोडत, पुणेकरांच्या अपेक्षा वाढल्या. Pune Mhada News
एवढ्या मोठ्या प्रमाणावर अर्ज व निधी जमा झाल्याने ही सोडत पुणे म्हाडा मंडळासाठी अत्यंत महत्त्वाची मानली जात आहे. नागरिकांच्या अपेक्षा लक्षात घेऊन सोडत लवकरात लवकर पार पाडण्यावर म्हाडाचा भर असल्याचेही अधिकाऱ्यांनी सांगितले आहे.
