कंत्राटी कर्मचाऱ्यांना मोठा दिलासा; मानधनात १५ टक्के वाढीचा निर्णय. Maharashtra NHM Update
मुंबई : Maharashtra Employees Update : राष्ट्रीय आरोग्य अभियान (NHM) अंतर्गत कंत्राटी पद्धतीने काम करणाऱ्या कर्मचाऱ्यांसाठी दिलासादायक बातमी समोर आली आहे. राज्य सरकारने या कर्मचाऱ्यांच्या मानधनात १५ टक्के वाढ करण्याचा महत्त्वाचा निर्णय घेतला आहे.
या निर्णयाचा फायदा राज्यभरातील ५० हजारांहून अधिक NHM कर्मचाऱ्यांना होणार आहे.
या निर्णयामुळे कर्मचाऱ्यांमध्ये समाधानाचे वातावरण असून अनेक कर्मचाऱ्यांनी आरोग्यमंत्री आणि राज्य सरकारचे आभार मानले आहेत.
जून २०२५ पासून वाढ लागू. Maharashtra NHM Update
- राज्य सरकारने स्पष्ट केले आहे की, ही मानधनवाढ जून २०२५ पासून लागू करण्यात येणार आहे.
- यामध्ये –
५ टक्के वाढ सर्व कर्मचाऱ्यांना सरसकट मिळणार आहे. - उर्वरित १० टक्के वाढ कामाच्या मूल्यमापनावर आधारित असेल.
- या निर्णयामुळे चांगले काम करणाऱ्या कर्मचाऱ्यांना अतिरिक्त प्रोत्साहन मिळणार आहे.
NHM कर्मचाऱ्यांच्या इतर मागण्यांवरही सकारात्मक निर्णय. Maharashtra NHM Update
- मानधनवाढीबरोबरच सरकारने NHM कर्मचाऱ्यांच्या इतर महत्त्वाच्या मागण्यांकडेही लक्ष दिले आहे. यामध्ये –
१० वर्षे सलग सेवा पूर्ण केलेल्या कर्मचाऱ्यांना कायम करण्याचा एकवेळचा पर्याय
गंभीर आजार, अपघात, अपंगत्व किंवा मृत्यूच्या प्रसंगी आर्थिक मदतीसाठी
‘NHM कर्मचारी कल्याण निधी’ स्थापन करण्याचा प्रस्ताव - अति दुर्गम व नक्षलग्रस्त भागात काम करणाऱ्या कर्मचाऱ्यांना विशेष भत्ता
२०१६-१७ पूर्वी सेवेत रुजू झालेल्या कर्मचाऱ्यांच्या मानधनातील तफावत दूर करण्याबाबत सकारात्मक भूमिका
या सर्व मुद्द्यांवर पुढील प्रक्रिया सुरू असल्याची माहिती देण्यात आली आहे.
कामबंद आंदोलनानंतर सरकारचा निर्णय. Maharashtra NHM Update
राष्ट्रीय आरोग्य अभियानांतर्गत विविध आरोग्य योजनांची अंमलबजावणी करण्यासाठी कंत्राटी कर्मचाऱ्यांची नेमणूक करण्यात आली आहे. गेल्या अनेक वर्षांपासून हे कर्मचारी मानधनवाढीसाठी मागणी करत होते.
त्यासाठी त्यांनी राज्यभर कामबंद आंदोलनही केले होते. अखेर कर्मचाऱ्यांच्या मागणीला प्रतिसाद देत राज्य सरकारने हा निर्णय घेतला आहे.
आरोग्य सेवेला बळकटी मिळणार – आरोग्यमंत्री
या निर्णयामुळे NHM कर्मचाऱ्यांचे मनोबल वाढेल आणि राज्यातील आरोग्य सेवा अधिक सक्षम व प्रभावी होईल, असा विश्वास आरोग्यमंत्र्यांनी व्यक्त केला आहे.
राष्ट्रीय आरोग्य अभियान (NHM) म्हणजे काय? Maharashtra NHM Update
राष्ट्रीय आरोग्य अभियान (NHM) हे सार्वजनिक आरोग्य क्षेत्रातील एक महत्त्वाचे अभियान आहे.
या अंतर्गत ग्रामीण, आदिवासी आणि दुर्गम भागात नागरिकांपर्यंत आरोग्य सेवा पोहोचवण्याचे काम केले जाते. Maharashtra Employees Update
NHM मधील कंत्राटी कर्मचारी गावागावात जाऊन माता-बाल आरोग्य, लसीकरण, प्राथमिक उपचार यांसारख्या सेवा देतात.
या कर्मचाऱ्यांच्या मेहनतीमुळे राज्यातील आरोग्य यंत्रणा अधिक मजबूत झाली असून, नव्या निर्णयामुळे कर्मचाऱ्यांमध्ये नवचैतन्य निर्माण होईल, अशी अपेक्षा व्यक्त केली जात आहे.
