गणेशोत्सवासाठी पुणे एसटीकडून विशेष बस सेवा; २५० हून अधिक गाड्यांची तयारी. Pune to Konkan ST Bus
पुणे | प्रतिनिधी, 21 जुलै 2025
Pune to Konkan ST Bus : यंदाच्या गणेशोत्सवात भाविकांच्या प्रवासात अडथळा येऊ नये यासाठी एसटी महामंडळाने मोठा निर्णय घेतला आहे. पुणे विभागातर्फे गणेशोत्सवाच्या पार्श्वभूमीवर राज्याच्या विविध भागांमध्ये जाणाऱ्या आणि येणाऱ्या मार्गांसाठी २५० हून अधिक विशेष एसटी बस सेवा सुरू करण्यात येणार आहेत.
गणेशोत्सवाच्या काळात पुण्यातील गर्दी लक्षात घेता ५ सप्टेंबरपासून १८ सप्टेंबर २०२५ पर्यंत ही विशेष सेवा कार्यान्वित करण्यात येणार आहे. पुणे आणि पिंपरी-चिंचवड परिसरातील प्रवाशांना वेळेत आणि सुरक्षित प्रवास मिळावा, यासाठी हे नियोजन करण्यात आले आहे.
या मार्गांवर विशेष गाड्या धावणार. Pune to Konkan ST Bus
गणपती दर्शनासाठी कोकण, पश्चिम महाराष्ट्र, मराठवाडा, खानदेश तसेच विदर्भातील प्रमुख शहरांसाठी या विशेष गाड्या धावणार आहेत. विशेषतः चिपळूण, रत्नागिरी, देवगड, मालवण, सिंधुदुर्ग, सावंतवाडी, कुडाळ, वेंगुर्ला आदी कोकणातील भागांत जाणाऱ्या गाड्यांना प्राधान्य देण्यात आले आहे.
प्रवाशांसाठी ऑनलाईन बुकिंगची सुविधा. Pune to Konkan ST Bus
या विशेष बससेवांसाठी प्रवाशांना ऑनलाईन बुकिंगचीही सुविधा उपलब्ध करून देण्यात आली आहे. https://msrtc.maharashtra.gov.in या अधिकृत वेबसाइटवरून किंवा MSRTC मोबाईल अ‍ॅपवरून तिकिटे बुक करता येणार आहेत. तसेच, स्थानिक एसटी आगारातून प्रत्यक्ष तिकिट घेण्याचीही मुभा देण्यात आली आहे.
एसटी प्रशासनाची माहिती. Pune to Konkan ST Bus
एसटी महामंडळाचे पुणे विभाग नियंत्रक संजय जाधव यांनी दिलेल्या माहितीनुसार, “गणेशोत्सवात प्रवाशांची संख्या लक्षणीय वाढते. त्यामुळे कोणताही गोंधळ होऊ नये म्हणून आम्ही यंदा लवकर तयारी सुरू केली आहे. गरजेनुसार आणखी गाड्याही वाढवता येतील.”
वाहतूक सुरळीत ठेवण्यासाठी विशेष नियंत्रण कक्ष.
गणेशोत्सवाच्या काळात एसटी बस स्थानकांवर अतिरिक्त कर्मचारी तैनात करण्यात येणार असून, प्रवाशांच्या मदतीसाठी नियंत्रण कक्ष (Control Room) सुरू करण्यात येणार आहेत. या नियंत्रण कक्षामार्फत तक्रारी, मार्गदर्शन आणि आवश्यक त्या सुविधा दिल्या जातील.