देवेंद्र फडणवीसांच्या अर्थसंकल्पातील सर्वात मोठी घोषणा, शेतकऱ्यांना कर्जमाफी जाहीर, कोणाला लाभ मिळणार? Maharashtra Budget 2026
Maharashtra Budget 2026 : राज्यातील लाखो शेतकऱ्यांसाठी मोठी दिलासादायक बातमी समोर आली आहे. महायुती सरकार सत्तेत आल्यानंतर शेतकरी कर्जमाफीबाबत मोठी अपेक्षा व्यक्त केली जात होती. अखेर राज्याचे अर्थमंत्री यांनी 2026-27 या आर्थिक वर्षाचा अर्थसंकल्प सादर करताना शेतकऱ्यांसाठी मोठी घोषणा केली आहे.
अर्थसंकल्पात “पुण्यश्लोक अहिल्यादेवी होळकर शेतकरी कर्जमाफी योजना” जाहीर करण्यात आली असून, याअंतर्गत 2 लाख रुपयांपर्यंत पीक कर्ज माफ करण्यात येणार आहे. या निर्णयामुळे राज्यातील लाखो शेतकऱ्यांना मोठा दिलासा मिळणार असल्याचे सांगितले जात आहे.
सरकारने निवडणुकीदरम्यान दिलेल्या आश्वासनाची पूर्तता करत हा निर्णय घेतल्याचे अर्थमंत्री फडणवीस यांनी सांगितले.
महायुती सरकार सत्तेत आल्यानंतर विरोधकांकडून शेतकरी कर्जमाफीबाबत सातत्याने प्रश्न उपस्थित केले जात होते. निवडणुकीनंतर सरकारने दिलेले आश्वासन विसरल्याची टीका देखील होत होती.
मात्र अर्थसंकल्पात कर्जमाफीची घोषणा करून सरकारने विरोधकांच्या टीकेला उत्तर दिले आहे.
2026 च्या महाराष्ट्र अर्थसंकल्पात शेतकऱ्यांसाठी 2 लाखांपर्यंत कर्जमाफीची घोषणा ही मोठी दिलासादायक बातमी मानली जात आहे. तसेच नियमित कर्जफेड करणाऱ्यांसाठी 50 हजार रुपयांचे प्रोत्साहन देण्याचा निर्णय घेतल्यामुळे राज्यातील शेती क्षेत्राला मोठा आधार मिळण्याची अपेक्षा आहे.
