Created by Anjali, Date- 05 May 2025
राज्यातील निवृत्तिवेतनधारकांसाठी महत्त्वाची सूचना: फसव्या कॉल्सपासून सावध राहा
Pensioners news : नमस्कार मित्रानो महाराष्ट्रातील लेखा व कोषागार संचालनालयाने निवृत्तिवेतनधारकांसाठी एक महत्त्वाची सूचना जारी केली आहे. अलीकडे काही निवृत्तिवेतनधारकांना फसव्या कॉल्स आणि मेसेजेस येत असून, त्यामध्ये थकीत निवृत्तिवेतनाची रक्कम मिळवण्यासाठी ऑनलाइन पेमेंट करण्यास सांगितले जात आहे. या प्रकारांमध्ये Google Pay, PhonePe यांसारख्या अ‍ॅप्सद्वारे पैसे भरण्याची मागणी केली जाते.
संचालनालयाची स्पष्ट भूमिका:
लेखा व कोषागार संचालनालय किंवा जिल्हा कोषागार कार्यालयांमार्फत कोणत्याही निवृत्तिवेतनधारकाला अशा प्रकारे फोन किंवा मेसेज केला जात नाही.
सर्व अधिकृत व्यवहार आणि माहिती फक्त लेखी स्वरूपातच दिली जाते.
कोणत्याही परिस्थितीत कार्यालयातील कर्मचारी निवृत्तिवेतनधारकांच्या घरी पाठविले जात नाहीत.
निवृत्तिवेतनधारकांसाठी सूचना:
- अशा कोणत्याही फोन किंवा मेसेजला उत्तर देऊ नका.
- कोणतीही ऑनलाइन पेमेंट करू नका.
- तत्काळ आपल्या जिल्हा कोषागार कार्यालयाशी संपर्क साधा.
- फसव्या प्रकारांची माहिती लेखा व कोषागार संचालनालयास द्या.
लेखा व कोषागार संचालनालयाच्या संचालक यांनी प्रसिद्धी पत्रकाद्वारे हे आवाहन केले आहे. कोणतीही शंका असल्यास अधिकृत कार्यालयाशी संपर्क करून खात्री करा. कोणत्याही परिस्थितीत अज्ञात व्यक्तीला पैसे ट्रान्सफर करू नका.
अधिक माहितीसाठी किंवा तक्रारींसाठी, कृपया आपल्या जिल्हा कोषागार कार्यालयाशी संपर्क साधा.