राज्य कर्मचाऱ्यांना 3% महागाई भत्ता वाढ मिळणार, पण थोडी प्रतीक्षा करावी लागणार.
DA Hike Latest News : राज्य सरकारी, निमसरकारी (जिल्हा परिषद) तसेच इतर पात्र कर्मचारी आणि पेन्शनधारकांना केंद्र सरकारच्या धर्तीवर 3 टक्के वाढीव महागाई भत्त्याचा (DA Hike) लाभ मिळणार आहे. मात्र, सध्या राज्यात सुरू असलेल्या निवडणूक प्रक्रियेमुळे या निर्णयास थोडा विलंब होणार आहे.
निवडणूक आचारसंहितेमुळे निर्णय रखडला
सध्या राज्यात नगरपरिषदा व नगरपंचायतींच्या निवडणुका पूर्ण झाल्या असून, पुढील महिन्यात महानगरपालिकांच्या निवडणुका होणार आहेत. या निवडणुकांचा कार्यक्रम 20 जानेवारीपर्यंत सुरू राहणार आहे.
निवडणूक आचारसंहिता लागू असल्यामुळे राज्य सरकारकडून महागाई भत्ता वाढीबाबतचा अधिकृत शासन निर्णय (GR) सध्या जाहीर करण्यात आलेला नाही.
जानेवारी अखेरीस शासन निर्णय, फेब्रुवारीत लाभ. DA Hike Latest News
निवडणूक प्रक्रिया पूर्ण झाल्यानंतर, म्हणजेच जानेवारी महिन्याच्या अखेरीस डी.ए वाढीबाबतचा अधिकृत निर्णय निर्गमित होण्याची शक्यता आहे.
त्यानंतर जानेवारी पेड इन फेब्रुवारी या वेतन व पेन्शन देयकासोबतच कर्मचाऱ्यांना 3% वाढीव महागाई भत्ता लागू होणार आहे.
1 जुलै 2025 पासून डी.ए वाढ आणि थकबाकी
महत्त्वाचे म्हणजे, राज्य कर्मचाऱ्यांना ही 3 टक्के डी.ए वाढ दिनांक 01 जुलै 2025 पासून लागू होणार आहे. त्यामुळे कर्मचाऱ्यांना महागाई भत्त्याची थकबाकी (DA Arrears) सुद्धा मिळणार आहे.
कर्मचारी संघटनांचे निवेदन
डी.ए वाढीच्या मागणीसाठी राज्यातील वर्ग-4 कर्मचारी संघटनांनी राज्य सरकारकडे निवेदन सादर केले आहे. निवडणूक कार्यक्रम पूर्ण झाल्यानंतर राज्य सरकारकडून या प्रस्तावाला मंजुरी देण्यात येणार असल्याचे संकेत मिळत आहेत.
कर्मचाऱ्यांना थोडी प्रतीक्षा आवश्यक
एकूणच, राज्य कर्मचाऱ्यांना महागाई भत्ता वाढ निश्चित मिळणार असला तरी, निवडणूक आचारसंहितेमुळे थोडी प्रतीक्षा करावी लागणार आहे. फेब्रुवारी महिन्यात वेतन व पेन्शनधारकांना याचा थेट आर्थिक लाभ मिळण्याची शक्यता आहे. DA Hike Latest News
